不知何时开始,TVB的天气女郎成為不少巴打心目中的女神,近有梁凯寧,远有黄婉曼,而前新闻小花蔡雪莹,更曾一度被网友封為至索女主播。Snowy於2014年离开新闻部,之后试过当公关,却未惯返朝九晚五,最后转為当自由人。2016年她下嫁上市公司亚洲木薯太子爷朱威霖,三年抱两,凑成一个好字,从此当幸福少奶奶。
虽已為两子女之母,32岁的Snowy穿起三吋高跟鞋,外型仍与一般少女无异。自言坐唔定的她,坦言仍想干一番事业,虽然依家以小朋友為重,但我仍然好享受做主持、做KOL,跟人分享生活点滴嘅乐趣。我嘅梦想係开一间美甲店,因為我好钟意将啲指甲整得靚靚,心情唔好,睇见都会开心番。
据《东周刊》报道,Snowy自称近年爱上整蛋糕,每个月她都与三岁的囝囝来上堂,当作亲子活动,呢间係我好朋友开嘅烘焙店,我会同呀仔一齐整蛋糕,好开心?!早排我仲带咗TVB旧同事郑萃雯同林燕玲一齐来上堂,大家敍吓旧,好难得!
访问当天,Snowy穿得靚靚,踩着三吋高跟鞋整蛋糕,还要摆Pose影相,似乎已完全摆脱主播影子。呢几年习惯晒啦!以前做主播、记者,因要跑新闻,多数着平底鞋;呢几年转咗型,成日出席活动,跟丈夫去应酬难免要着高跟鞋,始终女仔都係贪靚嘅。
四年几的主播生涯,有笑亦有泪,提起虾碌事,Snowy笑不拢嘴︰最深刻嘅一次,係有次报晨早新闻,读到某个地方要交个军权出来俾北约,我却讲咗交俾北角,好彩係晨早时段,老细未起身睇,嗰时又未兴Cap片,咁啱个编辑又唔係好恶,仲喺耳机同我讲:『点解唔交俾鰂鱼涌呀?』好彩之后即刻去片,否则我实忍唔到笑!
大学读新闻系的Snowy,无做主播多年,坦言仍然怀念,有次做立法会选举直播,当时我真係紧张到想喊。我企喺厂度,睇住荧幕,见到啲票数不停咁变,成地都係稿,镜头前我故作镇定,但又要听住编辑喺耳机讲嘢,佢哋有时忙中有错,一时话港岛东,一时又话新界东,我唔听清楚随时报错。嗰次係我最紧张嘅Live,好彩出嚟嘅反应唔错,真係好有成功感。
既然热爱传媒工作,却又选择离开,明升体育可会跟被辞职的传闻有关?Snowy笑言︰梗係唔係啦!係当时觉得自己好老,我係87年出世,同期新人已经係92年,你话惊唔惊?嗰时我28岁,事业去到樽颈位,做咗几年主播,如果我结婚生仔,呢份工我又可唔可以继续攀上去,定係会愈做愈低?香港主播嘅要求唔同外国,唔可以俾我做到四、五十岁;我又唔钟意做幕后,如果等到30岁先转行,条路可能仲难行。加上爸爸13年过身,家姐、哥哥又结晒婚,我觉得妈咪心灵上好需要人照顾。妈咪以前做公务员,当知道爸爸有病,就提早退休照顾佢。爸爸走咗之后,妈咪无寄託,所以我最后决定转型做公关,希望工作时间稳定啲,可以多啲时间陪妈咪。
2014年Snowy毅然转行去会计师楼当公关,然而人算不如天算,做了大半年,因為不习惯朝九晚五模式,最后都决定辞职。可能我份人唔钟意坐定定,喺写字楼坐八个鐘,对我嚟讲好辛苦,而且以前份工成功感来得快,挫败感也来得快,但胜在直接。